کوجھی کوڈ جہاز حادثہ کی وجہ بارش اور پھسلن : ہردیپ پوری

کیرل کے کوجھی کوڈ میں جہاز لینڈنگ کے دوران حادثے کاشکار ہو گیا۔ مرکزی وزیر برائے شہری ہوا بازی ہردیپ پوری نے بتایا کہ ابھی تک کی جانکاری کے مطابق حادثے کی وجہ بارش اور پھسلن ہے۔ بارش کے سبب رن وے پر پھسلن تھی اور جہاز لینڈنگ کے دوران حادثے کا شکار ہو گیا۔
حادثہ جمعہ کے روز شام میں پیش آیا۔ وندے بھارت مشن کے تحت غیر ملکوں میں پھنسے ہوئے ہندوستانی شہریوں کو واپس لانے کے لئے حکومت ہند نے ایر انڈیا کے خصوصی طیاروں کا انتظام کیا ہے۔ اسی مشن کے تحت یہ طیارہ یو اے ای سے مسافروں کو لے کر کیرل کے کوجھی کوڈ پہنچا تھا۔ لیکن عین لینڈنگ کے وقت حادثے کا شکار ہو گیا۔
جہاز میں کل ایک سو نبے لوگ سوار تھے۔ اب تک اٹھارہ لوگوں کے موت کی خبر آ رہی ہے۔ موقعہ پر موجود افسران کا کہنا ہے کہ مرنے والوں کی تعداد میں اضافہ بھی ہو سکتا ہے۔ سبھی زخمیوں کو طبی امداد فراہم کیا جا رہا ہے۔ مرکزی وزیر برائے شہری ہوا بازی ہردیپ سنگھ پوری خود تمام امور پہ نظر بناے ہوے ہیں اور افسران کو لگاتار ہدایات دے رہے ہیں۔ مسٹر پوری نے بتایا کہ کم زخمی مسافروں کو گھر جانے کی اجازت دے دی گئی ہے۔
وزیر برائے شہری ہوا بازی ہردیپ سنگھ پوری خود کیرل کے لئے روانہ ہو گئے ہیں۔ شہری ہوا بازی کی وزارت لگاتار کیرل حکومت کے افسران کے رابطے میں ہے۔ ہردیپ سنگھ پوری نے بتایا کہ شکر ہے کہ جہاز میں آگ نہیں لگی۔ وہیں انھوں نے جہاز کے جاں باز پایلٹ کی موت پر اپنے غم کا اظہار کیا۔ .