یوگی حکومت نے اتر پردیش میں سابق ایم ایل اے قتل معاملے میں جانچ کے لئے کمیٹی بنائی

اتر پردیش کے لکھیم پور کھیری میں گزشتہ روز ایک سابق ایم ایل اے کی پیٹ پیٹ کر بے رحمی سے قتل کر دیا گیا تھا۔ اب اتر پردیش کی یوگی آدتیہ ناتھ حکومت نے اس قتل معاملے میں ایک اعلیٰ سطحی جانچ کمیٹی کا اعلان کیا ہے۔ خبر ہے کہ اتر پردیش کے وزیر اعلیٰ یوگی آدتیہ ناتھ نے کھیری لکھیم پور کے سابق ایم ایل اے نرویندر کمار منا کی موت کے لئے ایک جانچ کمیٹی بنائی ہے جس میں اے ایس پی کھیری، سرکل آفیسر سندھولی، اور کرایم برانچ کے انسپکٹر شامل ہیں ۔
سمیتی سڑکل آفیسر کلدیپ ککریتی اور دیگر پولس اہل کاروں کی جانچ کی جائے گی۔ اس کمیٹی کو وزیر اعلیٰ یوگی آدتیہ ناتھ نے حکم دیا ہے کہ تین دن کے اندر اپنی رپورٹ پیش کرے۔ سرکل آفیسر کلدیپ ککریتی کو پولیس ہیڈ کوارٹر سے ملحق کر دیا گیا ہے۔ جبکہ اسی سابق ایم ایل اے قتل کیس میں ایک چوکی انچارج اور دو بیٹ کانسٹیبل کو سسپنڈ کر دیا گیا ہے۔ اس حادثے کے بعد اتر پردیش میں اپوزیشن جماعتوں نے کافی ہنگامہ آرائی کی جس کے بعد اتر پردیش کے وزیر اعلیٰ یوگی آدتیہ ناتھ نے یہ فیصلہ کیا ہے۔ تاکہ جانچ پڑتال ٹھیک ڈھنگ سے انجام پانے اور خطاکاروں کو واقعی سزا مل سکے۔
اس سے پہلے مقتول ایم ایل اے کے اہل خانہ کی شکایات کے خلاف ان کے الزامات کو خارج کرتے ہوئے لکھیم پور کھیری کے ایس ایس پی ستندر کمار نے کہا کہ سابق ایم ایل اے دوسرے گروپ کے ساتھ بحث کے دوران گر پڑے تھے۔ پوسٹ مارٹم رپورٹ میں موت کی وجہ ہارٹ اٹیک کو بتایا گیا ہے اور پوسٹ مارٹم رپورٹ میں چوٹ کا کوئی ذکر نہیں ہے ۔ تین بار کے ایم ایل اے نرویندر کمار منا کو اسپتال لے جایا گیا لیکن انھوں نے راستے میں ہی دم توڑ دیا۔
سابق ایم ایل اے نرویندر کمار منا اور ان کے بیٹے پر اسی معاملے میں سی آر پی سی کی دفعہ 107کے تحت شانتی بھنگ کرنے کا الزام لگایا تھا۔ .